Ana səhifə Kult Musiqi |
Məşhur ingilis musiqi qrupu "Bitlz"ın ("Beatles") müğənni Silla Blək üçün xüsusi olaraq yazdırdığı demo-disk 52 il sonra aşkarlanıb.
Axar.az xəbər verir ki, Liverpul dördlüyünün əsas simalarından olan Con Lennon və Pol Makkartninin ifa etdiyi "Bu sənin üçündür" (İt is for you") adlı 2 dəqiqəlik mahnı Silla Blekə hədiyyə olaraq 1964-cü ildə Londonda çıxış etdiyi Palladium konsert zalına göndərilib. Ancaq səsyazmanın sonrakı taleyi illər boyu müəmmalı qalıb.
Ötən ilin yayında vəfat edən müğənninin qohumu demo-diski Silla Bləkin əşyaları arasından tapıb, avqustun 27-də keçiriləcək "Bitlz" qrupunun xatirəsinə həsr olunan hərracda satılması üçün təqdim edib.
Qeyd edək ki, səsyazmanın dəyərinin 15-20 min funt sterlinq olacağı gözlənilir.
Xatırladaq ki, Silla Blək ötən əsrin 60-70-ci illərində Britaniyanın ən populyar musiqi ifaçılarından, 80-ci illərin əvvəllərindən isə bir çox televiziya layihələrində iştirak edərək Britaniya televiziyası tarixinin ən çox qazanan aparıcısı olub.
Tarix
2016.07.22 / 00:51
|
Müəllif
Aytac Qədirova
|