Mənim ölümüm minlərlə ölümlərin qarşısını alıb, bu dövləti xilas edəcəksə, yenə də eyni addımı ataram.

Axar.az xəbər verir ki, bu sözləri Türkiyədə hərbi çevriliş cəhdi zamanı tankın altına uzanaraq dünya mediasının gündəminə gələn Mətin Doğan adlı şəxs deyib.

"Qiyamı həyata keçirən şəxslər "Millət harada, dövlət harada" deyərkən, bu millətin övladlarının qısa zamanda meydanlara çıxacağını təsəvvür etməmişdilər. Allahın köməyi ilə onların qarşısını almağı bacardım. Çevriliş cəhdinin olduğunu televiziyadan eşitdim. Xeyli insan öləcəkdi. Mənim ölümüm minlərlə ölümlərin qarşısını alıb, dövləti xilas edəcəksə, yenə də eyni addımı ataram. Artıq bunu sübut etmişəm", - Doğan bildirib.

Qeyd edək ki, Malatyada yaradılmış "15 iyul Milli İradə Abidəsi"ndə Mətin Doğanın fotosu və adı qeyd ediləcək.