Ana səhifə Planet |
İrəvanda polis-patrul alayının binasının tutan silahlı qrup bütün girovları azad etsə də, binanı tərk etməyib.
Publika.az xəbər verir ki, müxalif qrupları Sarkisyanın istefasını və həbsdə olan Jiray Sefilyanın azad olunmasını tələb edən silahlılara dəstək aksiyaları keçirir.
Hazırda silahlı qrupun olduğu Xorenaçi küçəsində sakitlik hökm
sürsə də, etirazlar əsasən axşam saatlarında başlayır. Dünən axşam
binanı tərk etmək istəməyən silahlı qrup hakimiyyətin onlara yemək
verilməsini qadağan etməsinə etiraz olaraq, polis maşınını
yandırıb.
Özlərini "məğlubedilməz döyüşçülər" adlandıran silahlı qrupun
üzvü Varujan Avetsyan qeyd edib ki, onlar həmçinin, polisin
pilotsuz uçan aparatını da vurublar.
"Bizə yemək, işıq vermirlər, əlaqəni kəsiblər. Buna görə də biz
etirazımızı bu cür bildiririk. Polis maşınını yandırdıq, həmçinin,
bizim olduğumuz zonaya göndərilən pilotsuz aparatı iki atəşlə məhv
etdik. Əhval-ruhiyyəmiz yaxşıdır, çünki biz azad olunmuş
ərazidəyik. Bütün xalqı etiraza səsləyirik", - deyə o
bildirib.
Qeyd edək ki, silahlı qrup iyulun 17-də polis binasını ələ keçirərək, polis əməkdaşlarını və yüksək rütbəli polis zabitlərini girov götürüb. Onlar həbsdə olan "Yeni Ermənistan" hərəkatının lideri J.Sefilyanın azad olunmasını, prezident Serj Sarkisyanın istefa verməsini tələb edirlər. Girovluqda olan şəxslərin hamısı iyulun 23-nə qədər sərbəst buraxılıb. Hazırda silahlı qrup olduqları binanı tərk etmir və əvvəlki tələblərini irəli sürürlər. Ermənistanda müxalifət onlara dəstək verir. Dünən Sarkisyanın qiyamçıların lideri olan J.Sefilyanla görüşməyə razı olduğu haqda məlumatlar yayılmışdı. Lakin hakimiyyət əvvəlcə polis binasının azad olunmasını və qiyamçıların hüquq-mühafizə orqanlarına təslim olmasını tələb edib.
Tarix
2016.07.25 / 11:40
|
Müəllif
Axar.az
|