Türkiyənin Xarici İşlər naziri Mövlud Çavuşoğlu Fətullah Gülənlə bağlı yeni bir iddia ortaya atıb.

Axar.az xəbər verir ki, 15 iyul hərbi çevrilişi haqda danışan nazir Gülənin üçüncü bir ölkəyə qaçmaq ehtimalının olduğunu deyib.

Çavuşoğlu Türkiyəni hadisəyə görə qınayan dövlətlərə də səslənib:

"Heç vaxt hərbi çevrilişlə qarşı-qarşıya qalmayan ölkələr bizə dərs verməyə çalışır. Orada oturub danışmaq asandır. Siz heç hərbi çevriliş ağrılarını yaşadınızmı? Biz dekabrdan bəri davamlı olaraq Fətullah Güləni ABŞ-dan istədik, vermədilər. Artıq dönüş yoxdur, onu bizə verəcəklər. Hazırda isə Gülənin qaçmasının qarşısını almalıdırlar".