Ana səhifə Gündəm |
Türkiyədə hərbi çevrilişə cəhd edən qiyamçıların ikinci - B planı üzə çıxıb.
Axar.az xəbər verir ki, B planı iyulun 18-də - Prezidentin Mühafizə Alayının quruluş günündə təşkil olunacaq tədbirdə həyata keçiriləcəkdi. Qiyamçılar tədbir zamanı dövlət nümayəndələrinə sui-qəsd edəcəkdi.
Məlumata görə, tədbirdə Prezident Rəcəb Tayyib Ərdoğan, Baş nazir Binəli Yıldırım, TBMM sədri İsmail Qəhrəman, Türkiyə Müdafiə naziri Fikri İşıq da iştirak edəcəkdi.
Tədbir zamanı hərbi formalı qiyamçı ön sırada əyləşmiş dövlət nümayəndələrini güllələyəcəkdi. Daha sonra digər əsgərlər həmin sui-qəsdçini vuracaqdılar. Beləcə, "psixoloji vəziyyəti qaydasında olmayan bir əsgər dövlət nümayəndələrini öldürərkən digər əsgərlər tərəfindən vuruldu" yalanı ortaya atılacaqdı. Bununla da cinayətin planlı həyata keçirilməsi məsələsi sıradan çıxacaqdı.
Qeyd edək ki, Prezidentin Mühafizə Alayında da əməliyyat həyata keçirilib. Saxlanılan 300 əsgərdən 283-ü həbs edilib.
Tarix
2016.07.25 / 13:36
|
Müəllif
Aqşin Evrən
|