Böyük Britaniyanın Rusiyadakı keçmiş səfiri Toni Brenton Teleqraf qəzetində dərc olunan məqaləsində Qərbi Rusiya ilə yeni soyuq müharibə başlatmamağa çağırıb.

Onun sözlərinə görə, Krımı işğal etməsi onun Rusiyanın beynəlxalq davranış qaydalarına hörmət etmədiyi göstərir:

"Federal Təhlükəsizlik Xidmətinin köməyi ilə ortyaya çıxan dopinq qalmaqalı elə dövlət tərəfindən gizli saxlanılırdı.

Rusiyanın bu kimi davranışları Qərb tərəfindən gördüyü münasibətə cavabdır. Rusiya iqtisadiyyatı və siyasi sistemi 90-cı illərdə Qərb tərəfindən çökürdülüb.

NATO uzaq perspektivdə hər şeyin yaxşı olacağını vəd edirdi, amma 1998-ci ildə NATO-nun Kosovoda apardığı müharibə Krımın işğalından daha ədalətli deyildi".

Suriya böhranı haqda danışan Brenton tərəflərin (ABŞ və Rusiya) yaxında ortaq məxrəcə gələcəyini ehtimal edir:

"Heç bir tərəf Suriya Prezidenti Bəşər Əsədin yerində İŞİD-in oturmağını istəməz. Tərəflərin razılığa gələcəkləri gün uzaqda deyil".

Diplomatın sözlərinə görə, ABŞ və Rusiya iki kar kimi mübahisə edir və bu, sonda soyuq müharibə ilə nəticələnə bilər.

Məqalənin sonunda Brenton Qərbi Rusiyaya təzyiqləri azaltmağa, əməkdaşılıq istiqamətlərini gözdən keçirməyə çağırıb.