Ana səhifə Gündəm |
Türkiyəyə qarşı hər zaman sərt mövqeyi ilə seçilən Rusiya Liberal Demokrat Partiyasının lideri Vladimir Jirinovskinin 4 il öncə Türkiyə jurnalistlərinə türk dilində verdiyi müsahibə yenidən gündəmə gəlib.
Axar.az xəbər verir ki, məhz bu müsahibədə Jirinovski Qafqaz, Qara dəniz regionu, eləcə də Türkiyədəki məsələlərə xüsusi diqqət ayırıb. Məşhur siyasətçi həmin müsahibəsində Qafqazdakı problemlərin Qərb olmadan həll edilməsi gərəkdiyini bildirib:
"Biz bərabər şəkildə çətin bir məqamdan çıxış yolu tapa bilərik. Yalnız dördümüz. Rusiya, Ermənistan, Azərbaycan və Türkiyə. Çünki yalnız biz bu bölgəyə bağlıyıq. Başqa heç kim buraya daxil olmasın. Bizim düşmənimiz eynidir – NATO, ABŞ və Avropa Birliyi. Biz isə qonşuyuq və bu bölgədəki iş birliyimiz uzun illərdir davam edir. NATO-ya nə Gürcüstan, nə də Ukrayna qəbul edilməyəcək. Onlar Rusiyanın gücünü hiss etdilər. Önümüzdəki bir neçə il boyunca hansısa müharibə olmayacaq. Türkiyə ilə Rusiyanın çox yaxşı iş birliyi ola bilər. Bu, həm Qafqazlar, həm də ki Qara dəniz bölgəsinə aiddir. Heç kim Türkiyəni Avropa Birliyinə qəbul etməyəcək. Onlar bunu istəmirlər. Biz isə sizə istədiyinizi verə bilərik".
Müsahibədə ən maraqlı məqam Jirinovskinin Gülən haqqında söylədikləri olub. O, Güləni Mahatma Qandiyə bənzədib:
"Fətullah Güləni Moskvada gözləyirik. O, Türkiyənin ruh zənginliyidir. Bizdə indi belə bir adam yoxdur. Türkiyədə heç vaxt inqilab olmamalıdır. Çünki bu, çoxlu qurbana səbəb olacaq. Gülənin dediyi kimi hər şeyi rahat həll etmək və ruh baxımdan ağılları qazanmaq lazımdır".
Tarix
2016.07.26 / 09:41
|
Müəllif
İlkin Həsənov
|