Ana səhifə Planet |
Ukraynanın Odessa şəhərində "Poltava" ləqəbli qanuni oğru yaxalanıb.
Axar.az xəbər verir ki, kriminal avtoritetə qarşı əməliyyatın görüntülərini Odessa qubernatoru Mixail Saakaşvili öz Feysbuk səhifəsində yayıb. Saakaşvili qanuni oğrulara qarşı bundan sonra da təqibi davam etdirəcəyini bildirib:
"Odessa xüsusi təyinatlıları "Poltava" ləqəbli qanuni oğrunu gürcü restoranında öz ad gününü qeyd edən zaman "təbrik ediblər". Qanun oğrular bilməlidirlər ki, Odessaya onların girişi qadağan edilib. Əgər Rada qanuni oğrulara avtomatik həbs cəzasının verilməsi haqqında qanunu ləğv etməsəydi, o zaman ictimaiyyət özünü daha müdafiə olunmuş hiss edərdi".
Qeyd edək ki, "Poltava"nın əsl adı Vladimir Dribnıydır. O, 1975-ci ildə taclandırılıb. 78 yaşı var.
Saakaşvili bir neçə il öncə Gürcüstanda qanuni oğrulara qarşı böyük kampaniya aparıb. Nəticədə ölkədən çoxlu sayda kriminal avtoritet çıxarılıb.
Tarix
2016.07.26 / 11:47
|
Müəllif
İlkin Həsənov
|