Ana səhifə Toplum |
İyulun 26-da Müdafiə Sənayesi Nazirliyinin Şirvan "Araz" zavodunda baş vermiş hadisə zamanı xəsarət alan və xəstəxanaya yerləşdirilənlərdən dördü bu gün səhər saatlarında evə buraxılıb, bir neçəsinin isə gün ərzində evə buraxılacağı bildirilir.
Müdafiə Sənayesi Nazirliyindən Axar.az-a verilən məlumatda bildirilir ki, xəsarət alanların digərlərinin müalicəsi həkim nəzarəti altında davam etdirilir.
Qeyd edək ki, ötən gün Müdafiə Sənayesi Nazirliyinin Şirvan "Araz" zavodunda partlayış baş verib. Partlayış zamanı 2 nəfər - Məmmədov Ağamir Allahyar oğlu və Nuriyeva İlhamə Əsgər qızı - dünyasını dəyişib, 24 nəfər müxtəlif xəsarətlər alıb.
Şirvan Mərkəzi Xəstəxanasına gətirilən 24 xəstədən 14-ü ambulator müalicəyə götürülmüş və ötən gün evə buraxılmışdı. Digər 10 nəfər xəstəxanada müalicəsini davam etirirdi. Onlardan 7-nin xəsarətlərinin yüngül, 3-nün isə orta-ağır olduğu bildirilirdi.
Səhiyyə Nazirliyinin mətbuat xidməti bu gün ərzində 5 xəstənin evə buraxılacağını açıqlamışdı.
Bu gün xəstələrdən birinin Bakı xəstəxanalarından birinə gətirildiyi barədə məlumat verilib.
Tarix
2016.07.27 / 11:08
|
Müəllif
Axar.az
|