Ana səhifə Gündəm |
15 iyul hərbi çevriliş cəhdindən sonra Türkiyədə minlərlə şəxsin həbs edilməsinə qarşılıq olaraq Avropa Birliyi Ankaraya qarşı sanksiya tətbiq etmək istəyib.
Axar.az "Politiko Nyus"a istinadən xəbər verir ki, sanksiyanın tətbiq edilməsini ilk dəfə Avropa Komissiyasının qonşuluq və genişlənmə məsələləri üzrə komissarı Yoxannes Xan təklif edib. Xan buna görə AB-nin suriyalı miqrantlara dəstək üçün Türkiyəyə verməyi planlaşdırdığı 3 milyard avroluq yardımın dayandırılmasını təklif edib.
Xanın bu təklifi Avropa Komissiyasının rəhbəri Jan Klod Yunkerin kəskin etirazına səbəb olub. Komissiyanın xarici siyasətdən məsul olan komissarı Federika Moqerini də Yunkerə dəstək verərək, bu pulun Türkiyə hökuməti yox, suriyalı miqrantlar üçün nəzərdə tutulduğunu bildirib. Bunun da nəticəsində Ankaraya sanksiyalar qəbul edilməyib.
Tarix
2016.07.27 / 11:48
|
Müəllif
İlkin Həsənov
|