Ana səhifə Planet |
Türkiyədə 15 iyul gecəsi hərbi çevriliş həyata keçirməyə çalışan FETÖ-cular Birləşmiş Ərəb Əmirlikləri (BƏƏ) ilə əməkdaşlıq edib. BƏƏ "Fəth" təşkilatının lideri Məhəmməd Dəhlanın vasitəsilə qiyamçıları maliyyə dəstəyi ilə təmin edib.
Axar.az xəbər verir ki, bu iddianı "Qardian" qəzetinin keçmiş redaktoru Devid Herst irəli sürüb.
Onun sözlərinə görə, qiyamçıların uğursuzluğa düçar olduğunu görən Dəhlan Misirə qaçıb:
"BƏƏ çevriliş cəhdindən 16 saat sonra bu hadisəni qınadığını açıqladı. Fələstində doğulan Dəhlan qeyri-qanuni fəaliyyətindən dolayı ölkəsində sevilmir. O, Türkiyəyə qarşı olan BƏƏ tərəfindən bir müddət himayə edilirdi. FETÖ-cuların uğursuz çevriliş cəhdindən sonra Misirə qaçdığı deyilir. Fəth lideri daha öncə Yasir Ərəfata sui-qəsd planı həyata keçirməsi iddiası ilə gündəmə gəlmişdi. Bu səbəbdən Fələstindən qaçmağa məcbur olmuşdu. BƏƏ-nin siyasi elitalarından əldə edilən məlumata görə, Misirn keçmiş lideri Məhəmməd Mursiyə qarşı həyata keçirilən çevrilişin ssenarisinin eynisi Türkiyə lideri Rəcəb Tayyib Ərdoğana tətbiq edilməli idi".
Qeyd edək ki, "Fəth" lideri Məhəmməd Dəhlan anti-HƏMAS mövqeyi ilə tanınır və onun İsraillə yaxın əlaqədə olduğu deyilir.
Tarix
2016.07.30 / 18:38
|
Müəllif
Kamran Ədalət
|