FETÖ şəbəkəsi ilə mübarizə apararkən, PKK gözardı edilməməlidir.

Axar.az xəbər verir ki, bunu Türkiyənin Milliyyətçi Hərəkat Partiyasının (MHP) sədri Dövlət Baxçalı deyib.

"Qiyamçı terrorçularla hesablaşarkən, Türkiyə Silahlı Qüvvələrinin şərəf və ləyaqəti ilə oynanılması böyük fəlakətlərə yol açar. Türkiyə 15 iyul çevriliş cəhdinin nəticələri ilə boğuşarkən, PKK digər tərəfdən hücumları artırır. 19 iyul tarixində Hakkari vilayətinin Çukurca əyalətində terrorçular 8 qəhrəman övladımızı şəhid etdi. Hadisə nəticəsində 25 nəfər də yaralandı. İki gün ərzində terrorla mübarizədə 13 əsgər şəhid olub. Bu olay türk millətini dərindən sarsıtdı", - Baxçalı bildirib.