21:53

İrəvanın Azadlıq meydanında iyulun 17-dən Ermənistan Post-Patrul Xidməti binasını tutan "Sasna çrer" silahlı qrupuna dəstək mitinqi davam edir.

Axar.az erməni mediasına istinadla xəbər verir ki, etirazçılar uzun müddət aksyanın marşrutu ilə bağlı dəqiq qərar verə bilməsələr də, sonra Azadlıq meydanına toplaşmaöa razılaşıblar.

Əslində, aksiyanın könüllülərdən ibarət etirazçılar tərəfindən başladıldığı, təşkilatçının olmadığı qeyd edilir. İctimai fəallardan olan Albert Baqdasaryan bəyan edib ki, mitinqin tələbi dəyişməyib: "Biz "Sasna çrer" qrupunu dəstəkləməkdə davam edirik".

Xatırladaq ki, Erebuni rayonunda ələ keçirilən binanın yaxınlığında aksiya İrəvan meriyasının qərarı ilə qadağan edilib.