10:09

İtaliyanın mərkəzi hissəsində 6,1 bal gücündə zəlzələ baş verib.

Axar.az xəbər verir ki, bu barədə Avropa Seysmoloji Mərkəzi (EMSC) məlumat yayıb.

Yeraltı təkanlar yerli vaxtla 01.36-da (Bakı vaxtı ilə 05.36-da) qeydə alınıb. Zəlzələnin episentri Lakuila şəhərindən 48 km şimalda, Romadan 116 km şimal-şərqdə, 10 km dərinlikdə yerləşib.

Amatriçe şəhərinin meri Serxio Pirozzini güclü zəlzələnin şəhərdə ciddi dağıntılara səbəb olduğunu, uçqunlar altında xeyli insanın qaldığını bildirib.

İlkin məlumata görə, təbii fəlakət nəticəsində 14 nəfər həlak olub.

***

İtaliyada baş verən zəlzələ nəticəsində ölənlərin sayı 24 nəfərə çatıb. Azı 100 nəfərin itkin düşdüyü bildirilir.

19:02

İtaliyada baş verən zəlzələ nəticəsində ölənlərin sayı 73 nəfərə çatıb.

***

İtaliyanın mərkəzində baş verən zəlzələ nəticəsində ölənlərin sayı 247-yə çatıb.

İtaliya Mülki Müdafiə Departamentinin məlumatına görə, bir neçə yaşayış məntəqəsində hələ də axtarış-xilasetmə işləri davam etdirilir.