Ana səhifə Gündəm |
14:50
Suriyanın Kəklicə qəsəbəsi İŞİD terrorçularından azad edilib.
Axar.az xəbər verir ki, Türkiyə ilə sərhəddən 3 kilometr məsafədə yerləşən qəsəbənin azad edilməsinə Azad Suriya Ordusu və koalisiya qüvvələri də dəstək verib.
Xatırladaq ki, bu səhər saat 04:00-da Türkiyə Silahlı Qüvvələri Cerablusun İŞD-dən azad edilməsi üçün "Fərat qalxanı" adlı geniş miqyaslı hərbi əməliyyata başlayıb.Əməliyyatlar çərçivəsində ağır artilleriya Suriyaya yeridilib.
"Sputnik"in məlumatına görə, bu gün səhər saatlarından başlanan əməliyyat zamanı İŞİD-in 14 üzvü öldürülüb.
"Hürriyyət" isə Suriyaya keçən türk tanklarını türkmən birliklərinin qarşıladığını yazıb.
***
"Fərat qalxanı" əməliyyatı çərçivəsində Türkiyə ordusu Cerablus ətrafındakı 4 kəndi İŞİD-dən azad edib.
Əməliyyatlar zamanı 46 İŞİD-çi məhv edilib.
Tarix
2016.08.24 / 16:33
|
Müəllif
Hacı Qulu
|