Ana səhifə Gündəm |
FETÖ-çu polis Y.U. 2007-2013-cü illərdə Rəcəb Tayyib Ərdoğanın telefon danışıqlarını, görüşlərini gizli şəkildə dinlədiklərini bildirib.
Axar.az xəbər verir ki, FETÖ-çu polis 2012-ci ildə E.A. adlı polisin fləş kartda ona səs qeydləri gətirdiyini deyib. O, qeydlərin Türkiyənin ovaxtkı Baş naziri Rəcəb Tayyib Ərdoğana aid olduğunu açıqlayıb:
"Səs qeydlərini dinləyən zaman bunun Ərdoğana aid qısa telefon danışıqları olduğunu başa düşdüm. Bəzi qovluqların içində 10, bəzilərində isə 20 telefon danışığı var idi. Polis səs qeydlərini dinləyərkən Yasin Əl Qadı və Səudiyyə Ərəbistanı ilə telefon danışıqlarına xüsusi diqqət yetirməyimi istədi. Qeydlər arasında Ərdoğanın övladları və nazirlərlə danışıqları da yer alırdı. Bunları dinləyib, yazıya çevirirdim və E.A-ya təqdim edirdim".
Xatırladaq ki, "Vikiliks" saytı Türkiyədə hərbi çevriliş cəhdinin Səudiyyə Ərəbistanı və ABŞ tərəfindən təşkil olunduğunu açıqlamışdı. Məhz FETÖ-çu polislərin Səudiyyə Ərəbistanı ilə danışıqları xüsusi olaraq dinləməsi bu ölkənin FETÖ ilə əlaqəli olmasını və çevrilişdə Gülənə kömək etməsini düşünməyə əsas verir.
Tarix
2016.08.24 / 18:35
|
Müəllif
Aqşin Evrən
|