Ana səhifə İdman |
"Maribor" haqqında necə düşünürdüksə, Bakıda da eyni komandanı gördük. İlk matçda bizə qarşı ciddi, təşkilatlanmış və təcrübəli bir rəqib var idi. Real futbol oynamağı bacaran bir komanda ilə qarşılaşmışdıq.
APA-nın məlumatına
görə, bu sözləri "Qəbələ"nin baş məşqçisi Roman Qriqorçuk
deyib.
UEFA Avropa Liqasının pley-off mərhələsinin cavab matçında səfərdə
"Maribor"la qarşılaşacaq əyalət klubunun ukraynalı çalışdırıcısı
oyundan əvvəl mətbuat konfransında jurnalistlərin suallarını
cavablandırıb: "Düşünürəm ki, sabah rəqibimiz daha güclü olacaq.
Çünki bildiyimə görə, burda komandanı çox böyük azarkeş kütləsi
dəstəkləyir. Onların çox gözəl meydançaları var. Ona görə də, bu
nüanslar "Maribor" üçün əlavə üstünlük olacaq.
- İlk oyunda sizə sərf eləyən nəticəni əldə etmisiz.
Oyununuzu müdafiədən quracaqsız, yoxsa...?
- Bizim oyun fəlsəfəmizdə ultramüdafiə futbolu, öz qapımızın
ağzında sədd çəkmək kimi planlar olmur. Biz müdafilə futbolu
oynamırıq. Sabah da ənənəvi oyunumuzu oynayacağıq, hücum edəcəyik.
Rəqibin də qələbə üçün cəhd edəcəyini də nəzərə alsaq, bizi çox
keyfiyyətli oyun gözlədiyini deyə bilərəm.
- "Qəbələ" daxili çempionatda son matça çıxmadı. Bunu
üstünlük kimi saymaq olarmı?
- Bizim ötən həftəki çempionat matçına çıxmamağımızı əlavə
üstünlük olaraq görmürəm. Mən bildiyimə görə, "Maribor" da sonuncu
oyunu demək olar ki, ikinci heyətlə keçirib, bir çox əsas
oyunçularına şans verməyib. Novakoviç, Tavares kimi oyunçular 45
dəqiqə forma geyiniblər.
- Siz 100% əminisiniz ki, qruplarda çıxış
edəcəksiz?
- Mən bu gün ancaq öz gördüyümüz işlərə əminəm. Bilirəm ki,
bizim göstərmək istədiyimiz futbol nəticə verir.
- Meydança və qazonla tanış olmusunzmu? Çünki stadionun
meydançası heç də ideal vəziyyətdə deyil...
- Meydança ilə tanış olmadığım üçün sizin sualınıza cavab verə
bilməyəcəm. Ancaq əgər meydan pis vəziyyətdədisə, bu, hər iki
komanda üçün mənfidir. Eyni stildə oynayan iki komandayıq. Bizim
kimi onlara da problem yaradacaq.
- Rəşad Sadiqovun vəziyyəti nə yerdədi? Sabahkı oyunda
oynaya biləcəkmi?
- Rəşad artıq 3 gündü ki, bizimlə birlikdə ümumi qrupda məşq
edir. Ancaq bugünkü son məşqdə də vəziyyətə baxacağıq. O, özü
təcrübəli adamdı, son qərarı birlikdə verəcəyik.
- "Maribor" bu mövsüm hələ ki, daxili çempionatda qələbə
qazana bilməyib. Bu nüans "Qəbələ"nin xeyrinədir?
- Bunun sabahkı oyuna heç bir dəxli yoxdu. Çünki bu oyun bizim
üçün necə vacib və əsasdısa, "Maribor" üçün də bir o qədər
əhəmiyyətlidir. Düşünürəm ki, sizin futbolçular da sabahkı görüşə
yaxşı motivasiya olunublar. Bu günə qədər nə baş veribsə, artıq
geridə qalıb.
- Hava şərtləri sizə necə təsir edəcək? Bakıdakı oyun çox
isti havada baş tutmuşdu...
- Bu sualın cavabını bayaq meydanaça ilə bağlı olan sualda
demişdim. Həm "Qəbələ", həm də "Maribor" eyni şərtlər altında
mübarizə aprır. İstidisə, hər ikisinə istidi, soyuqdusa, hər
ikisinə soyuqdu.
- Bilirik ki, Azərbaycanın digər təmsilçisi "Qarabağ" da
qrup mərhələsinin astanasındadı. Əgər hər iki komanda ardıcıl
ikinci dəfə qrupda oynamağa haqq qazansa, bu, Azərbaycan futbolu
üçün nə dərəcədə əhəmiyyətlidir?
- Biz qrup mərhələsinə vəsiqə qazanmağa köklənmişik. Əgər hər iki Azərbaycan klubu bunu bacarsa, ölkə futbolu üçün əla olacaq.
Tarix
2016.08.25 / 00:41
|
Müəllif
Axar.az
|