İran parlament sədrinin sözçüsü Hüseyn Əmir Abdullahian İraq və Suriyadakı terrorçu qruplaşmaların ölkəsi üçün potensial təhdid olduğunu deyib.

Axar.az xəbər verir ki, Sputnik-in suallarını cavablandıran Tehran rəsmisi bu təhdidi zərərsizləşdirmək üçün İraq və Suriyaya qoşun göndərdiklərini deyib:

"İŞİD-in Suriyada yer dəyişdirməsinə və ya terrorçu qrupların Suriyadan İraqa keçidinə baxsanız, terror hücumlarının İran üçün nə qədər real olduğunu anlayarsınız. Üstəlik, İran İraqla həmsərhəddir. Bu səbəbdən qonşu ölkələrdəki hadisələrə biganə qala bilmərik. Onlara ciddi mesajımız var: İran ən çətin vaxtlarda belə, sizi dəstəkləyəcək. Bölgə xalqlarının gələcəyi bizim üçün çox önəmlidir".