Hindistanın 2018-ci ilə qədər sifariş verdiyi 6 ədəd "Skorpen" tipli sualtı qayığı hazırlayan Fransanın DCSN şirkətinin istehsal bilgilərini əks etdirən gizli sənədlər internetdə yayılıb.

Axar.az xəbər verir ki, yayılan 22 mindən artıq sənəddə "Skorpen" tipli sualtı qayıqların döyüş qabiliyyəti barədə önəmli məlumatlar yer alıb.

Qeyd edək ki, Hindistanın fransız firması ilə 3.5 milyard dolar qarşılığında imzaladığı anlaşmanın bənzəri də Avstraliya ilə imzalanıb.

Avstraliyanın Baş naziri Malkolm Ternbull hadisənin kiber təhlükəsizliyin nə qədər vacib olduğunu sübut etdiyini deyib. Ölkənin Müdafiə Sənayesi naziri Kristofer Pine yayılan sənədlərdə Avstraliyaya aid məlumatlar olmadığını deyib. Nazir Hindistanı maraqlandıran bilgilərə də rast gəlmədiklərini əlavə edib.