Ana səhifə Planet |
Türkiyənin Müdafiə naziri Fikri İşıq Azad Suriya Ordusuna ciddi dəstək verdiklərini açıqlayıb.
Axar.az xəbər verir ki, Cerablus əməliyyatlarına dair NTV-nin suallarını cavablandıran nazir əməliyyatlardan öncə Rusiya və ABŞ-a məlumat verildiyini deyib:
"Azad Suriya Ordusu nəzarəti tam ələ alana kimi orada qalmalıyıq. Bizim iki məqsədimiz var: bölgənin İŞİD-dən tamamilə təmizlənməsi və İŞİD-in yerinə bölgəyə PYD-nin gəlməsini əngəlləmək. PYD mütləq Fəratın şərqinə çəkiləcək. Bu mövzuda ABŞ ilə danışıqlarda razılıq əldə olunub. Qarşıdan gələn 1 həftə ərzində PYD-nin bölgədən tamamilə çəkilməsi gözlənilir. PYD-nin sərhəd nəzarət bölgələrini birləşdirməməsi baxımından Cerablus çox önəmlidir.
Silahlı Qüvvələrin heç bir əsgəri yaralanmayıb. ASO-dan 2 şəhid və 2 yaralı var. Əməliyyatlarla bağlı Rusiya və ABŞ-a öncədən məlumat vermişik".
Qeyd edək ki, az öncə ABŞ Dövlət katibi Con Kerri Türkiyə XİN rəhbəri Mövlud Çavuşoğluna YPG-nin geri çəkildiyi barədə məlumat verdiyi xəbəri yayılıb.
Tarix
2016.08.25 / 18:13
|
Müəllif
Hacı Qulu
|