Ana səhifə Toplum |
Bakının Xətai rayonu Əhmədli qəsəbəsində maraqlı hadisə baş verib.
Axar.az xəbər verir ki, qəsəbə sakini Mirzə İsmayılov evini Masallı rayon sakini Meydan Əkbərova kirayə verib. Girov kimi isə ailə üzvlərindən birinin şəxsiyyət vəsiqəsini götürüb.
Evdə 6 ay qalan kirəçi borcunu ödəmədən evi tərk edib.
Hüquqşünaslar isə bu şəkildə vəsiqənin borc əvəzi girov qoyulmasını qanunsuz hesab edir. Onların fikrincə, bu hal borc verənə heç bir üstünlük təmin etmir. Ev sahibi yalnız orada olan məlumatdan istifadə edərək həmin şəxsi axtara və borcunu ala bilər.
Hüquqşünas Kamandar Hüseynov Xəzər xəbər-ə açıqlamasında hüquqi cəhətdən kirayəçinin üstün olduğunu deyib. Onun sözlərinə görə, vətəndaş çox rahatlıqla qeydiyyatda olduğu rayon üzrə polis idarəsinə müraciət edərək, həmin vəsiqənin itdiyini bildirə və onun etibarsızlığını təmin edə bilər.
Bu səbəbdən asanlıqla yenilənən şəxsiyyəti təsdiq edən sənədlər etibarlı girov hesab olunmur.
Tarix
2016.08.26 / 12:49
|
Müəllif
Hacı Qulu
|