İndi davadır da, hamıda olur, bir yanlışlıq olub, dalaşıblar.

Axar.az xəbər verir ki, bu sözləri əməkdar artist Əli Mirəliyev oğlunun yol polisi ilə dalaşması barədə yayılan xəbərləri şərh edərkən deyib.

Müğənni faktı təsdiqləməklə bərabər, hadisənin səbəblərinə də aydınlıq gətirib:

"İndi davadır da, hamıda olur, bir yanlışlıq olub, dalaşıblar. Sonra da barışdılar, hər şey yaxşıdır. Oğlum da evdədir. Böyüdüləcək bir şey yoxdur. Kişilər arasında olur belə şeylər".

Qeyd edək ki, azxeber.com saytı Səbail rayon ərazisində DYP əməkdaşının qaydanı pozan sürücünü – Əli Mirəliyevin oğlunu saxladığını bildirib. Qaydanı pozmadığını iddia edən sürücü yol polisi ilə mübahisə etməyə başlayıb və tərəflər əlbəyaxa davaya keçiblər. İddiaya görə, müğənninin oğlu bıçaq çıxarıb, ancaq özünə xəsarət yetirib.

Hadisə yerinə gələn Post Patrul Xidmətinin (PPX) əməkdaşları sürücünü tutaraq polis bölməsinə aparıblar.