İyulun 15-də dövlət çevrilişinə cəhd zamanı şəhid olan gizir Ömər Xalisdəmirin heykəli ucaldılıb.

Axar.az Sözcü-yə istinadən xəbər verir ki, heykəl Mersin vilayətinin Toroslar rayonundakı Şəhidlər Parkında qoyulub.

13 günə tamamlanan heykəlin postamentlə birlikdə hündürlüyü 2,8 metr, abidənin öz hündürlüyü 1,8 metr, bütövlükdə kompleksin hündürlüyü 4,6 metrdir.

Abidənin açılışı avqustun 30-da olacaq.

Xatırladaq ki, Ömər Xalisdəmir iyulun 15-də dövlət çevrilişinin əsas təşkilatçılarından biri, general-polkovnik Semih Tərzini general Zəkai Ağsaqqallının əmri əsasında öldürüb. Bundan sonra o, FETÖ-cular tərəfindən qətlə yetirilib.