Almaniya kansleri Angela Merkel Çexiyanın Baş naziri Boquslav Sobotka ilə görüşüb.

Axar.az xəbər verir ki, Çexiyanın paytaxtı Praqada baş tutan görüşdən sonra liderlər jurnalistlərin suallarını cavablandırıb.

Alman ordusunun Türkiyənin İncirlik hərbi bazasında çox yaxşı şərtlərə sahib olduğunu deyən xanım Merkel ciddi hərbi uğurlara imza atdıqlarını deyib:

"İŞİD-ə qarşı koalisiya təyyarələrinin İncirlikdən uçmağa davam edəcəyini gözləyirəm. Eyni zamanda Almaniyanın bir parlament ordusuna sahib olduğu yaddan çıxarılmamalıdır. Alman millət vəkilləri istədikləri vaxt İncirliyi ziyarət edə bilər".

Merkel Türkiyə rəsmiləri ilə danışıqlar apardıqlarını desə də, o haqda ətraflı məlumat verməyib.

Xatırladaq ki, Almaniya Müdafiə Nazirliyi Türkiyənin İncirlik hərbi bazasını tərk etməyə qərar verdiyini açıqlayıb.