Azad Suriya Ordusunun Türkiyənin dəstəyi ilə Cerablusu İŞİD-dən azad etməsi PKK-nı özündən çıxarıb.

Axar.az xəbər verir ki, bu səbəbdən təşkilatda fövqəladə vəziyyət elan edilib, bütün terrorçulara ASO və Türk ordusuna qarşı hücumlara başlaması tapşırılıb.

Xüsusilə Kobani və Tel-Abyaddakı üzvlərinə müraciət edən PKK "Menbic-Afrin xəttində yaşanacaq böyük müharibəyə hazır olun", təlimatını verib.

Qeyd edək ki, Afrin istiqamətində irəliləyən PYD əsas hədəfinin Qandura olduğunu açıqlayıb. Qanduradan sonra 15 kilometr məsafədə yerləşən Çobanbəy Cerablusa hücum təşkil etmək üçün ikinci hədəf seçilib.

PYD-nin Menbic-Cerablus arasında ASO-ya qarşı döyüşmək üçün 4 min civarında terrorçu topladığı bildirilir.