Ana səhifə Maqazin |
"Muğam müsabiqəsi-2005"-in laureatı, Prezident təqaüdçüsü Pərvaz İbrahimli "Günah mənim"in ifaçısı Pnzr-İlyas ilə maraqlı bir layihəyə imza atıb.
Axar.az xəbər verir ki, Pnzr-İlyas özünün İnstaqram hesabında Pərvaz ilə birgə çəkdirdiyi fotosunu paylaşaraq yeni layihədən bəhs edib. O, paylaşmasında "Küçələrə su səpməyə gəlirik" yazıb.
Həmçinin Pnzr-İlyas yeni formatda hazırladıqları Azərbaycanın xalq mahnısı "Küçələrə su səpmişəm" mahnısının Yutub linkini də şəkilin üzərində paylaşıb.
"Küçələrə su səpmişəm" mahnısının yeni formatda klipini Əbdürrəhim Akça (Eypio) hazırlayıb. O da paylaşmaya rəy yazaraq layihənin baş tutacağına işarə vurub.
Qeyd edək ki, sözügedən klipdə Pərvaz İbrahimlinin 2008-ci ildə sözügedən xalq mahnısına çəkilən klipindən istifadə olunub.
Tarix
2016.08.28 / 16:47
|
Müəllif
Aytac Qədirova
|