Bu gecə Şirvan şəhərində vətəndaşa məxsus ümumi sahəsi 156 m2 olan birmərtəbəli avtomobil ehtiyat hissələrinin satışı mağazasının yanar konstruksiyaları və içərisinə yığılmış ehtiyat hissələri 24 m2 sahədə yanıb.

Axar.az Fövqəladə Hallar Nazirliyinin saytına istinadən xəbər verir ki, mağazanın qalan hissəsi yanğından mühafizə olunub. Yanğın saat 23:49-da yanğınsöndürənlər tərəfindən söndürülüb.

Sabirabad rayonu, Qalağayın kəndində isə vətəndaşa məxsus ümumi sahəsi 90 m2 olan birmərtəbəli ərzaq mağazasının lambirindən ibarət tavanı 10 m2 sahədə və piştaxtaya yığılmış ərzaq malları qismən yanıb. Mağazanın qalan hissəsi yanğından mühafizə olunub.

Yanğın saat 03:03-də yanğınsöndürənlər tərəfindən söndürülüb.