Adı qohumu Elnur Hümmətovun ölümündə hallandırılan əməkdar artist Aygün Bəylər (Hümmətova) Azərbaycandan gedib.

Ölkə.Az-ın məlumatına görə, bu barədə sənətçinin telefonuna cavab verən şəxs bildirib. Özünü Aygün Bəylərin dostu kimi təqdim edən kişi qeyd edib ki, əməkdar artist on gündən çoxdur ölkədə yoxdur və nə zaman geri dönəcəyi bəlli deyil.

Xatırladaq ki, Aygün Bəylərin qohumu Elnur Hümmətovun ölümündə şübhəli bilinən şəxslər saxlanılıb. Daxili İşlər Nazirliyindən (DİN) verilən məlumata görə, polis və prokurorluq orqanları əməkdaşlarının Bakı şəhər sakini Elnur Hümmətovun 2013-cü il iyunun 16-da itkin düşməsi ilə əlaqədar keçirdikləri əməliyyat-axtarış tədbirləri ilə onun 2013-cü ilin may ayında həmyerliləri Fuad Məmmədzadə, Elmir Alxazov, Abbas Hümmətov, Ramil Əsirov və qardaşı Elnur tərəfindən Xəzər rayonunun Qala kəndi ərazisində boğulma yolu ilə qətlə yetirilib basdırılması müəyyən edilib.

Saxlanılanlardan biri - Abbas Hümbətov Aygün Bəylərin qardaşıdır.