Ana səhifə Planet |
Braziliyanın Federal Senatı vəzifəsindən müvəqqəti kənarlaşdırılan Prezident Dilma Rousseffin impiçmentini təsdiqləyib.
Axar.az TASS-a istinadən xəbər verir ki, Rousseffin istefasının əleyhinə 20, lehinə isə 61 senator səs verib.
Roussefin vəzifə tutmasına qadağa qoyulması üçün keçirilən səsvermə isə prezidentin xeyrinə başa çatıb. Yalnız 42 senator 8 il müddətində Roussefin vəzifə tutmasını qadağan edən təklifə səs verib, 36 senator isə əleyhinə çıxıb. Qərarın qəbulu üçün 54 səs lazım idi.
Beləliklə, 2018-ci ilin sonunadək - növbəti prezident seçkilərinə qədər ölkəyə vitse-prezident Mişel Temer başçılıq edəcək.
Xatırladaq ki, 2011-ci ildən prezidentlik vəzifəsini icra edən Roussefin adı bir neçə korrupsiya qalmaqalında hallanıb. Prezident özü Senatın qərarını "parlamentin hazırladığı dövlət çevrilişi" adlandırıb.
Bəzi beynəlxalq ekspertlər də Braziliyada "parlament çevrilişi" baş verdiyi barədə mülahizə irəli sürüblər.
Qərarın qəbulundan sonra müxalifət küçələrə çıxaraq, bayram etməyə başlayıb.
Tarix
2016.09.01 / 00:58
|
Müəllif
Rəfiqə Əlisəfa
|