Ana səhifə İdman |
Beynəlxalq Tennis Federasiyası (İTF) 2 azərbaycanlı hakimi cəzalandırıb.
APA-nın məlumatına görə, İTF vəzifəsindən sui-istifadə
etdiyi üçün Şirzad Həsənov və Arxip Molotyaqini ömürlük hakimlikdən
uzaqlaşdırıb.
İTF bir sıra araşdırmalar apardıqdan sonra onlarla bağlı belə sərt
qərar verməyi məqsədəuyğun sayıb. Buna təmsilçilərimizin "Fyuçers"
seriyalı turnirlərdəki hərəkətləri səbəb olub.
Hakimlərimiz təxminən 1 il əvvəl İsraildə keçirilən turnir zamanı
bir sıra fırıldaqlara əl atıblar. Oyunun gedişində hesabı internetə
canlı ötürən ədalət təmsilçiləri dəfələrlə bu addımı yubadıblar.
Həsənov və Molotyaqinlə əlbir olan, matç zamanı tribunada əyləşən,
həmçinin nəticədən xəbəri olan fırıldaqçılar bukmeker kontorlarında
canlı pul qoyuluşu etməklə böyük məbləğdə paralar qazanıblar.
Hakimlərin dəfələrlə bu fırıldaqdan yararlandığı da bildirilir.
Tarix
2016.09.20 / 14:09
|
Müəllif
Axar.az
|