Ana səhifə Toplum |
Vergilər Nazirliyi vergi borcu olan müğənnilərin ölkədən çıxışına qadağa qoyur. Yaxşı xəbərdir. Onların borcları çoxdur, bundan sonra daha da artacaq.
Axar.az xəbər verir ki, bu sözlər Jurnalist Ekspert Mərkəzinin sədri Ceyhun Musaoğlunun mövzu ilə bağlı yaydığı açıqlamada əksini tapıb. Vergilər Nazirliyinin vergi borcuna görə ölkədən getmə hüququ məhdudlaşdırılmış fiziki şəxslərin adlarını açıqlamasına münasibət bildirən tanınmış jurnalist belə getsə, bəzi müğənnilərin başqa sənət tapmağa məcbur olacaqlarını vurğulayıb:
"Vergilər Nazirliyi tarix yaza bilər. Cəmiyyətin manıslaşmasının qarşısını almağa gücümüz çatmırdı. Vergilər Nazirliyi bizi arzumuza çatdıra bilər. Alqışlayaq.
Jurnalistlər Vergilər Nazirliyinin bu addımını təqdir etsə və dəstək versələr, yaxşı olar. Hələ məsələnin ikinci tərəfi də var: büdcəyə xeyli əlavə vəsait daxil olcaq ki, indiki məqamda bu, Azərbaycana çox lazımdır. Məsələn, jurnalist müsabiqədə min manat udur, 3 yerə vergi verir. O jurnalist ki, nəinki villası var, bəlkə də kirayədə yaşayır. Ancaq müğənnilər bütün günü maşınlarını, evlərini, telefon nömrələrini reklam edirlər. Necə olur, onlar təbliğatları üçün KİV-ə, xüsusən də televiziyalara reklam pulu ödəyirlər, dövlətin vergisini vermirlər. Halbuki, mənəvi baxımdan dövlətə vergi vermək vətəndaşın şərəf borcudur. Dövləti biz yaşatmalıyıq".
Tarix
2016.09.21 / 21:13
|
Müəllif
Axar.az
|