Ana səhifə Gündəm |
Xarici İşlər naziri Elmar Məmmədyarov BMT Baş Məclisinin 71-ci sessiyasında iştirakı çərçivəsində Türkmənistan Nazirlər Kabineti sədrinin müavini, Xarici İşlər naziri Rəşid Meredov ilə görüşüb.
Bu barədə Axar.az-a Xarici İşlər Nazirliyinin Mətbuat Xidmətindən məlumat verilib. Görüşdə iki ölkə arasında əməkdaşlığın mövcud vəziyyəti və inkişaf perspektivləri ətrafında fikir mübadiləsi aparılıb. Bundan başqa enerji, nəqliyyat, mədəni və humanitar sahədə əməkdaşlığın inkişaf etdirilməsi məsələsi də müzakirə mövzularından biri olub.
Nazirlər Azərbaycan-Türkmənistan-Türkiyə üçtərəfli əməkdaşlıq formatının əlaqələrin daha da inkişafına töhfə verdiyini qeyd ediblər. Bu xüsusda tərəflər üçtərəfli formatda energetika nazirləri və xarici işlər nazirlərinin qarşıdan gələn görüşlərinin gündəliyini müzakirə ediblər.
Xarici İşlər naziri Elmar Məmmədyarov BMT Baş Assambleyasının 71-ci Sessiyası çərçivəsində Əfqanıstan İslam Respublikasının Xarici İşlər naziri Səlahəddin Rəbbaniylə də görüşüb. Görüş zamanı Azərbaycan və Əfqanıstan arasında ikitərəfli münasibətlərin inkişafı və gələcək əməkdaşlıq perspektivləri, terrorizmə qarşı mübarizə və digər qarşılqlı maraq kəsb edən məsələlər barədə ətraflı fikir mübadiləsi aparılıb.
Qeyd edək ki, Meredov Türkmənistan hakimiyyətində ən güclü siyasətçilərdən hesab edilir. O, 2001-ci ildən xarici işlər naziri vəzifəsini yerinə yetirir.
Meredovun anası azərbaycanlıdır.
Tarix
2016.09.22 / 12:04
|
Müəllif
İlkin Həsənov
|