Türkiyəli müğənni Əbru Gündəş hazırda həbsdə olan azərbaycanlı iş adamı Rza Zərrabdan ayrılması xəbərinə reaksiya verib.

Musavat.com xəbər verir ki, Ə.Gündəş ərinin mediaya yolladığı yazılı müraciətə və orada yazılanlara cəmi bir cümləlik reaksiya verib: "Rza bəy lazım olanı deyib, qərarım doğrudur".

Ə.Gündəş uzun müddətdir ki, həyat yoldaşı ilə boşanmaq istəyib. Amma qarşı tərəfin buna etiraz etməsi nəticəsində proses daim təxirə salınıb. Cütlüyün vəkili Şeyda Yıldırımın bu ilin martında təkzib etdiyi boşanma iddiası dünən hər iki tərəfin təsdiqi ilə mediada yayımlanıb.

Hazırda ABŞ-da məhbus həyatı yaşayan R.Zərrab vəkili Volqa Gökçə tərəfindən mediaya çatdırıb ki, müğənninin boşanma tələbi ilk olaraq 13 iyul tarixində R.Zərraba çatdırılıb. Son günlər isə Ə.Gündəş prosesin sürətləndirilməsini tələb edib. Nəhayət, dünən boşanma vəkalətnaməsi R.Zərraba çatdırılıb.

Rza Zərrab bəyanatında bunları bildirir: "13.09.2016-cı ildə arvadım Əbru Gündəş vəkili vasitəsilə tərəfimə boşanmaq istədiyini çatdırıb, eyni zamanda, prosesi dərhal yekunlaşdırmaq üçün yenə də vəkili vasitəsilə mənə təzyiq göstərib və son olaraq 23.09.2016-cı il tarixdə boşanma vəkalətnaməsini tərəfimə göndərmiş vəziyyətdədir. İçərisində yer aldığım bu sıxıntılı mərhələyə baxmayaraq, arvadımın boşanma qərarını hörmətlə qarşıladığımı ictimaiyyətə bildirirəm. Hörmətlə, Rza Zərrab".