Ana səhifə Toplum |
18:22
Göygöl rayonunda ölümlə nəticələnən yol nəqliyyat qəzası
baş verib.
APA-nın qərb bürosunun
məlumatına görə, hadisə rayonunun Yeni Qızılca kəndində qeydə
alınıb
Toy karvanında hərəkət edən "Niva" markalı avtomobil VAZ-2107
markalı avtomobilə toqquşub. Qəza nəticəsində 1 nəfər ölüb, 7 nəfər
müxtəlif dərəcəli bədən xəsarətləri alıb. Yaralılar Gəncə Şəhər
Təcili Tibbi Yardım Xəstəxanasına yerləşdirilib.
Faktla bağlı Göygöl Rayon Polis Şöbəsində araşdırma aparılır.
***
Qəza zamanı VAZ-2107 markalı avtomobilin sərnişini 1953-cü il təvəllüdlü Məzahir Abdullayev həyatını itirib.
Avtomobildə olan digər sərnişinlər - 2004-cü il təvəllüdlü Bayramov Cavid, 1974-cü il təvəllüdlü Həsənova Afət, 2009-cu il təvəllüdlü Həsənov Xalid, 1954-cü il təvəllüdlü Abdullayeva Adilə müxtəlif dərəcəli bədən xəsarəti alıblar. VAZ- 2107 markalı avtomobilin sürücüsü Abdullayev İtiqam qəza zamanı xəsarət almayıb. "Niva" markalı avtomobilin sərnişinləri 1975-ci il təvəllüdlü Bağırov Altay, 1954-cü l təvəllüdlü Bağırov Kamil, o cümlədən sürücü 1983-cü il təvəllüdlü Bağırova Amil də müxtəlif dərəcəli bədən xəsarətləri alıblar.
Tarix
2016.09.25 / 19:11
|
Müəllif
Axar.az
|