İranın dini lideri Ayətullah Əli Xamenei sabiq prezident Mahmud Əhmədinejada gələn il keçiriləcək prezident seçkilərində iştirak etməyi məsləhət görməyib.

Axar.az İRNA agentliyinə istinadən xəbər verir ki, paytaxt Tehranda baş tutan bir mərasimdə danışan Xamenei Əhmədinejadla aralarında keçən dialoqu belə nəql edib

"Bu barədə yanıma gələrək məndən məsləhət aldı. Mən də onun və ölkənin çıxarlarını nəzərə alaraq, iştirak etməməsini istədim. Seçkilərə qatılmağınızın yaxşı fikir olmadığı qənaətindəyəm, dedim".

Dini lider Əhmədinejadın yenidən prezident seçiləcəyi təqdirdə ölkədə qütbləşmə olacağını bildirib.