Rza Zərrab vəkillərinin vasitəsi ilə Əbru Gündəşdən boşanacağını açıqladıqdan sonra cütlüyün mal-mülkünü necə bölüşdürəcəkləri maraq mövzusu olub.

Axar.az xəbər verir ki, 2010-cu ilin 1 fevralında evlənən cütlük evlilik razılaşması imzalayıb. Razılaşmaya əsasən, boşanma halında heç bir mal-mülk bölgüsü olmayacaq.

Əbru Gündəş məhkəmədə özü və qızı üçün heç nə tələb etməyəcək.

2010-cu ildə cütlüyün "evlilik razılaşması" imzaladığı ilə bağlı məlumatlar yayılsa da, hər iki tərəf bu məlumatı inkar etmişdi.

Qeyd edək ki, Rza Zərrab martın 19-u Əbru Gündəş və qızı ilə tətil üçün Mayamiyə getdiyi zaman həbs edilib. Deyilənlərə görə, Əbru boşanmağı uzun müddətdir istəsə də, Rza Zərrab razı olmayıb. "60 il heç ayrılmayacayıq" deyən, bağ evlərinin qapısından avtomobillərinin nömrəsinə qədər hər yerə "60 il" yazdıran Əbru Gündəş və Rza Zərrabın evliliyi 6 il davam edib.