Ana səhifə İqtisadiyyat |
OPEK ölkələrinin bu gün Əlcəzairdə keçirdiyi toplantı zamanı İranın verdiyi açıqlama neft qiymətlərinə sarsıdıcı təsir göstərib.
Axar.az xəbər verir ki, hazırda neft sürətlə ucuzlaşmaqdadır. "Brent" markalı neftin bir barreli 1,47 dollar azalaraq 45,88 dollara, VTİ isə 1,35 dollar azalaraq 44,58 dollara satılır.
Qeyd edək ki, bundan öncə OPEK üzvü olan ən böyük neft ixracatçıları – Rusiya, Ərəbistan və İran neft hasilatının dondurulacağının mümkünlüyü barədə açıqlama versələr də, İran bu gün mövqeyini dəyişib. Bu ölkənin rəsmi nümayəndəsi OPEK üzvlərinin bu gün Əlcəzairdə görüşü zamanı İranın əvvəlki payını – bazardakı 13 faizlik mövqeyini qaytarmaq üçün gündəlik hasilatı 3,7 milyon barreldən 4 milyon barrelə qaldırmaq niyyətini ortaya qoyub. Bu açıqlamanın ardınca dünya bazarlarında neftin qiyməti sürətlə düşməyə başlayıb.
Tarix
2016.09.28 / 00:38
|
Müəllif
Axar.az
|