93 yaşında vəfat edən İsrailin keçmiş prezidenti Şimon Peres bu gün dəfn ediləcək.

Axar.az xəbər verir ki, məşhur siyasətçinin dəfnində Türkiyəni xarici işlər nazirinin müavini Firudin Sinirlioğlu təmsil edəcək.

Cənazə mərasiminə ABŞ Prezidenti Barak Obama, Fransa Prezidenti Fransua Olland, Almaniya Prezidenti Yoahim Qauk, Kanadanın Baş naziri Castin Trudeu, ABŞ-da Demokratlar Partiyasından prezidentliyə namizəd Hillari Klinton və həyat yoldaşı, ABŞ-ın keçmiş prezidenti Bill Klinton da qatılacaq.

Qey edək ki, Fələstin lideri Mahmud Abbas da mərasimdə iştirak edən şəxslər arasında olacaq. O, Peresin ölümündən sonra başsağlığı mesajı yayaraq yəhudi siyasətçinin Yaxın Şərqdə sülhün bərqərar olmasında xeyli səy göstərdiyini vurğulamışdı.

Xatırladaq ki, Şimon Peres İsrailin xarici işlər naziri olarkən - 1993-cü ildə Oslo Sülh Anlaşmasını imzalayıb. 1 il sonra isə Nobel Sülh Mükafatına layiq görülmüşdü.