Dünya İqtisadi Forumu illik Rəqabət Qabiliyyəti İndeksi adlı hesabatını yayıb.

Axar.az xəbər verir ki, Ermənistan bu hesabatda etika və korrupsiyaya görə 3,5 qiymətini almaqla 65-ci pillədə qərarlaşıb.

"Aravot" qəzetinə müsahibə verən Ermənistan Milli Məclisinin sədri Qalust Saakyan ölkədə baş alıb gedən korrupsiya hadisələrinə münasibət bildirib. Spiker xalqın səfalət içində yaşadığını etiraf edib:

"Bizdə ac kütlələr var. İnsanlar elə bilir ki, hamı varlıdır. Biznesi olanlar bu sərvəti xalqdan qoparıb. Onlar yaşaya bilir, amma xalq bilmir. Biz başa düşməliyik ki, daha xalqda oğurlanası heç nə qalmayıb".

Qəzet ölkədə böyük hay-küy doğuran Yeni Vergi Kodeksinin parlamentdə qəbuluna toxunaraq ölkənin uçuruma getdiyini bildirib:

"İndiki parlament Ermənistan tarixində ən rüsvayçı qurumdur. Bu parlament qədər xalqa ziyan vuran qanunları heç kim qəbul etməyib".