Avropa Birliyinin özü hazırda yaşadığı böhranların əsas səbəbkarıdır.

Axar.az xəbər verir ki, bunu jurnalistlərə açıqlamasında Çexiyanın eks-prezidenti Vatslav Klaus söyləyib.

Onun sözlərinə görə, AB-də böhranların olmasında müxtəlif qüvvələr maraqlıdır:

"Hər şey yunan böhranından başladı. Miqrasiya böhranı AB-dəki situasiyanı daha da pisləşdirdi. Məncə, AB-də real situasiyanın başa düşülməməsi var. AB özü böhranların əsas səbəbkarıdır. Bu oyunda bir sıra qüvvələr maraqlıdır. AB-nin ali mərkəzləşdirilmiş bürokratik strukturları fərqli maraqları nəzərə almırlar və bu da böhranlara səbəb yaradır".