"Neftçi" futbol klubu ukraynalı məşqçi Aleksandr Deriberinlə müqavilə bağlayıb.

Axar.az klubun saytına istinadən xəbər verir ki, mütəxəssis mövsümün sonuna qədər əsas komandanın məşqçisi vəzifəsində işləyəcək.

Aleksandr Deriberin 1967-ci il fevralın 25-də Maykop şəhərində anadan olub. Futbolçu karyerası ərzində "Drujba Maykop" (1985-1989, 1992-1993), "Spartak Anapa" (1990), "Ximik Beloreçensk" (1991) və "Etalon" (1991) klublarının şərəfini qoruyub. Ukraynanın "Nafkom" (2005-2007), "Zvezda Kirovoqrad" (2010-2011) və "Desna" (2011-2012) klublarında baş məşqçi vəzifəsini yerinə yetirib. Köməkçi məşqçi kimi isə "Niva" (2004-2005) və Ukrayna U-17 milli komandasında (2004-2006, 2008-2010) çalışıb.

Qeyd edək ki, "Qəbələ"yə 0:8 hesablı məğlubiyyətdən sonra baş "Neftçi" klubunun rəhbərliyi Vəli Qasımovu məşqçi postundan uzaqlaşdırmışdı.