Türkiyə Prezidenti Rəcəb Tayyib Ərdoğan yenə ABŞ-ın Fətullah Güləni təhvil verməməsi haqda danışıb.

Axar.az xəbər verir ki, Ərdoğan Elm və Texnologiya konfransında çıxış edərkən Gülənin bütün ölkələr üçün təhlükəli olduğunu deyib.

"Gülən hər ölkə üçün təhlükəlidir. Mən bunu prezidentlərə də deyirəm, ancaq başa düşmürlər. Başda Amerika olmaqla... ABŞ bizdən kimisə istəyəndə həmin an paketə qoyub göndəririk, amma təəssüf ki, strateji tərəfdaşımızdan bu jesti görmürük. Bir terrorçu 14 ildir 400 bölgədə özünə səltənət qurub, siz isə onu bizə təslim etmirsiniz", - deyə prezident növbəti dəfə ABŞ-a ismarış göndərib.