Ana səhifə Planet |
Rusiya zərurət yaranacağı təqdirdə Venesueladakı daxili siyasi situasiyanın normallaşdırılması prosesinə qoşulmağa hazırdır.
Axar.az xəbər verir ki, bunu "RİA Novosti" agentliyinə müsahibəsində Rusiyanın Venesueladakı səfiri Vladimir Zayemski söyləyib. Onun sözlərinə görə, Venesuelada daxili siyasi şəraitin normallaşmasının əsas şərti Qərbin ölkədəki proseslərə müdaxiləsinin qarşısının alınmasıdır.
O, heç kimin Venesuelada daxili şəraiti pisləşdirərək rəngli inqilablar etmək haqqına sahib olmadığını bildirib.
Qeyd edək ki, neft qiymətlərinin ucuzlaşması ən çox Venesuelaya təsir edib. Prezident Nikolas Maduronun mövqeyinin zəifləməsi ölkədə müxalifətin aktivləşməsinə şərait yaradıb. Rəsmi Karakas ölkədə yaranan vəziyyətdə məhz ABŞ-ı günahlandırıb.
Tarix
2016.10.03 / 19:40
|
Müəllif
Axar.az
|