Azərbaycanla 25 il sürən ciddi və möhkəm tərəfdaşlığımız nəticəsində hökumətlər və xalqlar arasında çox gözəl münasibətlər var.

APA-nın məlumatına görə, bunu Almaniyanın Azərbaycandakı səfiri Mixael Kindsqrab deyib.

O bildirib ki, Cənubi Qafqaz ölkələri arasında Azərbaycan Almaniyanın ən böyük ticarət tərəfdaşıdır: "Azərbaycan Rusiyadan başqa, MDB ölkələri içərisində Ticarət Palatanın olduğu yeganə ölkədir. Ölkələr arasında münasibətlərimiz mədəniyyət və təhsil sahələrində də davam edir. Azərbaycanlı tələblər təhsil almaq üçün Almaniyaya gedirlər. Bu münasibələr gələcəkdə daha da möhkəmlənərək əlaqələrimizin güclənməsinə xidmət edəcək".