BMT Təhlükəsizlik Şurasının daimi üzvlərinin veto hüququ məhdudlaşdırılmalıdır.

Axar.az xəbər verir ki, bunu jurnalistlərə açıqlamasında BMT-nin İnsan Haqları üzrə ali komissarı Zeyd Raad əl Hüseyn söyləyib.

Onun sözlərinə görə, bu təklifi həyata keçirməklə ağır cinayətlərin qarşısı alınmış olar:

"Veto hüququ xüsusilə hərbi cinayətlər, insanlığa qarşı cinayətlər və genosid məsələlərinin müzakirəsi zamanı ləğv edilməlidir. Biz hazırda dünyada ən ağır durumu Hələbdə müşahidə edirik".

Qeyd edək ki, bundan öncə Rusiya BMT Təhlükəsizlik Şurasında Suriya ilə bağlı istənilən neqativ qərara veto qoyacağını bildirib.