Belarus oktyabrın 20-nə qədər Rusiyaya 300 milyon dollar ödəyəcək.

Axar.az xəbər verir ki, bunu Rusiya Baş naziri Dmitri Medvedyevin keçirdiyi iclasda çıxışı zamanı Baş nazirin müavini Arkadi Dvorkoviç söyləyib. Onun sözlərinə görə, rəsmi Minsk bundan sonra bütün borclarını vaxtında ödəməyi öz üzərinə götürüb.

Qeyd edək ki, bundan öncə Rusiya ilə Belarus arasında münasibətlər rəsmi Minskin qaza olan borcuna görə gərginləşib. Əvvəlcə borcu qəbul etməyən Belarus hökuməti sonunda bununla razılaşmağa məcbur olub. Tərəflər arasında gərginlik dönəmində hətta Prezident Aleksandr Lukaşenko çıxış edərək, Moskvanın Belarusa təzyiq etməməsini məsləhət görmüşdü.