Mən heç bir milli dəyəri tam qəbul etmirəm, bəşəri dəyərlər mənim üçün daha önəmlidir.

Bu sözləri yazar, tanınmış bukinist Xan Rəsuloğlu Axar.az-ın "Qərb oxucusu milli ədəbi dəyərlərimizdən nəyi götürməli və milli ədəbiyyat dünyadan nələri mənimsəməlidir" sualına cavab verərkən deyib. O, milli dəyərlərin də örnək ola biləcəyini qeyd edib:

"Bununla belə, sırf azərbaycanlı təfəkkürü və mentalitetində elə məqamlara, nüanslara rast gəlmişəm ki, həqiqətən də insanlığa dərs və örnək ola bilər. Başımızı aşağı eləyən keyfiyyətlərimiz isə çox heyf ki, kəmiyyət kateqoriyasında özünü gözə dürtür. Burada milli-ədəbi dəyərlər müzakirə edildiyindən, ədəbiyyatımızın və ya yazarın enerjisi, ən adi bir insanın belə yaşadığı müddətdə xoşbəxt olmağa can atması mövzusu içində, hər hansı bir janra önəm verməsindən də asılı olmayaraq, yarada biləcəyi şeir, nəsr və dram əsəri ilə özünü təsdiqləyə, tam dünyanı qapsaya, fəth edə bilər. Alacağımız da budur, verəcəyimiz də..."