Oktyabrın 25-i, saat 10:00-da Qərb Universitetində "İntermediallıq məsələləri. Musiqi və ədəbiyyat" mövzusunda beynəlxalq elmi-praktik konfrans keçiriləcək.

Axar.az xəbər verir ki, Qərb Universiteti, Azərbaycan Musiqi Mədəniyyəti Dövlət Muzeyi və Azərbaycan Dövlət Mədəniyyət və İncəsənət Universitetinin birgə keçirəcəyi konfransda ədəbiyyat və musiqi sənətinin intermedial əlaqələri və başqa məsələlər müzakirə olunacaq.

Konfransda Qərb Universitetinin professor-müəllim heyəti ilə yanaşı, Tokio İncəsənət Universitetinin (Yaponiya), Gürcüstan Dövlət Folklor Mərkəzinin (Gürcüstan), Ural Federal Universiteti (Yekaterinburq, Rusiya Federasiyası), İslam Azad Universiteti Qum filialının (İran), AMEA-nın Nizami adına Ədəbiyyat İnstitutunun, AMEA-nın Memarlıq və İncəsənət İnstitutunun, Azərbaycan Milli Konservatoriyasının mütəxəssislər də iştirak edəcək.