Ana səhifə Gündəm |
Osmanlı dövlətinin çökməsindən sonra I Dünya müharibəsinin nəticəsi kimi o ərazilər bölüşdürülərkən hər hansı bir etnik mənsubiyyət nəzərə alınmadan torpaqlar parçalandı. Bununla da türkmanlar bir-birindən ayrı düşdü.
Axar.az xəbər verir ki, bunu tarixçi Kərəm Hətəmoğlu öz milli kimliklərini itirməyən türkmanlar haqda ATV-də yayımlanan "Həftə sonu"na danışarkən deyib. O, türkmanların azərbaycanlı olduğunu qeyd edərək, onların "azərbaycanlı" adlandırılması gərəkdiyini bildirib:
"O vaxt sovet hakimiyyəti illərində Putilov adlı etnoqrafın gözəl bir əsəri vardı: "Şərqin etnoqrafiyası". Orada birbaşa qeyd edir ki, Kərkük türkmanları, Mosul türkmanları və yaxud Bəəlbək türkmanları, Suriya türkmanları, Hələb, Rakka türkmanları deyil, bunları azərbaycanlı adlandırmaq lazımdır. Niyə? Çünki adam o zaman keçmiş SSRİ-də olan, Azərbaycanda yaşayan əhali ilə tanış olduğuna görə, burada yaşayanlarla orada yaşayan azərbaycanlılar arasında hər hansı bir etnoqrafik fərq görmürdü".
Qeyd edək ki, min il türklərin hakim olduğu Mosulun İŞİD-dən geri alınması üçün 17 oktyabr 2016-cı il tarixində 36 ölkənin birləşmiş ordusu hərəkətə keçib. Hücuma Türkiyənin Başikada təlim keçdiyi "Neynəva keşikçiləri" qrupu da qatılıb.
Tarix
2016.10.24 / 13:29
|
Müəllif
Aytac Qədirova
|