Ana səhifə Gündəm |
Böyük Britaniyanın baş nazirinin ticarət məsələləri üzə elçisi xanım Baronessa Nikolsonun rəhbərlik etdiyi nümayəndə heyəti noyabrın sonunda Azərbaycana səfər edəcək.
Trend-in məlumatına görə, bunu jurnalistlərə Böyük Britaniya və Şimali İrlandiya Birləşmiş Krallığının Azərbaycandakı səfiri Karol Krof deyib.
Səfirin sözlərinə görə, heyətin tərkibinə İngiltərənin 20-ə yaxın şirkətini təmsil edən nümayəndələr daxil olacaq.
Səfir əlavə edib ki, Azərbaycan-Böyük Britaniya hökumətlərarası komissiyanın ikinci iclası gələn il Azərbaycanda keçiriləcək.
K.Krof ilk iclasın bu il Londonda keçirildiyini də xatırladıb: "Azərbaycan höküməti ilə Böyük Britaniya yaxından əməkdaşlıq edir, müxtəlif görüşlər təşkil edilir. Dövlətlərarası komissiyanın növbəti görüşü isə gələn il Azərbaycanda baş tutacaq".
Tarix
2016.10.25 / 16:22
|
Müəllif
Axar.az
|